Երգչուհի Ադելը Լաս Վեգասում իր ելույթի ժամանակ մեկնաբանել է այն խոսակցությունները, թե ինքը ֆիլերներ է օգտագործել իր շուրթերին ավելի փարթամ տեսք տալու համար։ Երգչուհին մեկնաբանել է իր մասնակցությամբ երկու տարի առաջվա մեմերը, որտեղ դժգոհ տեսք ունի. իր խոսքով, հենց այդպիսի պահերին շուրթերը հաստ տեսք ունեն։
«Ես կխոսեմ այն մասին, թե ինչու շուրթերս կարծես լցված լինեն… Պատճառը, որ ես այլ մարդ էի թվում, այն էր, որ ես գոռում էի», – բացատրել է նա: Ադելը ավելացրել է, որ նա ուներ «բնատուր մեծ շրթունքներ», և նա չունի ֆիլերների կարիք:
Վերջերս աստղերն անընդհատ ստիպված են լինում պատասխանել իրենց արտաքինից դժգոհ երկրպագուների քննադատությանը։ Հայտնի մարդիկ կա՛մ կասկածվում են ֆիլերներ օգտագործելու, կա՛մ նիհարեցնող «Ozempic» դեղամիջոց օգտագործելու մեջ, կա՛մ պլաստիկ վիրահատության ենթարկվելու, իսկ ոմանք դատապարտվում են Instagram-ում ֆիլտրեր օգտագործելու համար: Աստղեր, ինչպիսիք են Ադրիանա Լիման, Սոֆյա Վերգարան և այլք, անընդհատ քննադատության են ենթարկվում։ Նրանք մեկնաբանում են քննադատությունները և ասում, որ արտաքին տեսքը փոխվում է տարիքի հետ, բայց ամենից հաճախ դա հանգեցնում է բացասականության խոսքի նոր տարափի։
