Օսկարակիր դերասանուհի Անջելինա Ջոլին հերթական դաջվածքն է արել: Աստղի երկրպագուները նկատել են նոր գործը Բրոդվեյում «The Outsiders» մյուզիքլի պրեմիերայի ժամանակ։
Դերասանուհու ձախ նախաբազկին հայտնվել է «Stay Gold» գրությունը։ Սա անդրադարձ է ներկայացմանը, որը 48-ամյա Անջելինան պատրաստել է դստեր՝ Վիվիենի հետ։
Արտահայտությունը, որն օգտագործել է դերասանուհին իր նոր դաջվածքի համար, մյուզիքլի կերպարը Ջոնին ասել է Պոնիբոյին՝ հիշեցնելով, որ միշտ հավատարիմ մնա ինքն իրեն, գրում է Daily Mail-ը։
«Ինձ համար պատիվ է լինել այս գործընթացի մասնակիցը։ Ես մեծ հարգանքով եմ վերաբերվում Բրոդվեյին և բոլոր նրանց, ովքեր աշխատում են դրա վրա: Ես հետևում էի երիտասարդների հուզական արձագանքներին։ Շատ հուզիչ էր»,- պրեմիերայի ժամանակ ասել է դերասանուհին։
Ջոլին միակը չէ, ով այդ առիթով դաջվածք է արել։ «The Outsiders» մյուզիքլի երաժշտության հեղինակ Ջասթին Լևինը իր էջում ցուցադրել է նույն մակագրությամբ լուսանկար։
«The Outsiders» մյուզիքլի պրեմիերան կայացել է Նյու Յորքի Bernard B. Jacobs Theatre-ում: Այն նկարահանվել է Ֆրենսիս Ֆորդ Կոպոլայի «Cast Away» ֆիլմի հիման վրա։ Անջելինա Ջոլիի 15-ամյա դուստրը՝ Վիվիեն Ջոլի-Փիթն օգնել է մյուզիքլի արտադրությանը։ Այս առիթով նրանք միասին են հայտնվել կարմիր գորգի վրա։
![](https://showbiz.am/wp-content/uploads/2024/04/d59b583132a481599d303717912651db-640x970-1.jpg)
![](https://showbiz.am/wp-content/uploads/2024/04/d0e16d92b5177bd906727c630ce72557-768x1016-1.jpg)
![](https://showbiz.am/wp-content/uploads/2024/04/c083c57d9dbed7710ab303c649f44481.png)