Փարիզում Օլիմպիական խաղերի բացման արարողության մասնակից Բարբարա Բուչը բողոք է ներկայացրել կիբեռհետապնդումների և զրպարտության պատճառով: Այս մասին հուլիսի 29-ին հայտնել է Francetvinfo հեռուստաալիքը՝ վկայակոչելով նրա փաստաբան Օդրի Մսելաթիին։
Մսելաթին պնդում է, որ արտիստուհին կիբերբուլինգի և զրպարտության օբյեկտ է դարձել։
«Նա բողոք է ներկայացրել այդ գործողությունների դեմ, որոնք կատարվել են ինչպես երկրի քաղաքացիների, այնպես էլ օտարերկրացիների կողմից», – փաստաբանի խոսքը մեջբերել է հեռուստաալիքը:
«Ես երբեք չեմ ամաչել, թե ով եմ և պատասխանատվություն եմ կրում ամեն ինչի համար, այդ թվում՝ իմ գեղարվեստական ընտրությունների համար։ Ամբողջ կյանքս հրաժարվել եմ զոհ լինել և հիմա էլ չեմ պատրաստվում լինել։ Ես չեմ վախենում նրանցից, ովքեր թաքնվում են էկրանի կամ կեղծանունի հետևում՝ իրենց ատելությունն ինձ վրա տարածելով»,- գրել է Բուտչը։
