Ոչ ոք նման շրջադարձ չէր սպասում. Ջենիֆեր Էնիսթոնը կարող է դառնալ Բեն Աֆլեքի հաջորդ ընտրյալը, որն այժմ գտնվում է Ջենիֆեր Լոպեսից ամուսնալուծության գործընթացի մեջ։ Եվ ո՛չ, այնպես չէ, որ դերասանը նախընտրում է միայն այս անունով կանանց (հիշենք, որ Բենի նախկին կնոջ անունը նույնպես Ջենիֆեր է): Պարզվում է, որ «Ընկերներ»-ի աստղը վաղուց «մի փոքր սիրահարված է» իր գործընկերոջը և դեմ չէ ժամանակ անցկացնել նրա հետ, հենց որ նա լուծի Ջեյ Լոյից ամուսնալուծության իր հարցերը, հայտնում է In Touch Weekly-ն՝ հղում անելով անանուն աղբյուրին։
Ըստ ինսայդերի՝ երկար տարիներ Ջենիֆեր Էնիսթոնի և Բեն Աֆլեքի հաղորդակցությանը խանգարում էր այն փաստը, որ դերասանն անընդհատ լուրջ հարաբերությունների մեջ էր։ «Քանի որ Ջեյ Լոյի և Բենի հարաբերությունները բացահայտորեն անկում են ապրում, Էնիսթոնն իրական հնարավորություն ունի փոխհատուցելու Բենի հետ կորցրած ժամանակը: Նրանք նախկինում երբեք իսկապես ազատ չեն եղել միևնույն ժամանակ, և Ջենը մի քանի տասնամյակ Բենի նվիրված երկրպագուն է եղել»,- հավելել է աղբյուրը։
Էնիսթոնն ու Աֆլեքը նախկինում զույգի դեր են կատարել «Խոստումը չի նշանակում ամուսնություն» ֆիլմում։ Եվ շրջապատողներից շատերը վստահ են, որ շնորհիվ այն բանի, որ երկուսն էլ «հոլիվուդյան նույն ամբոխի մեջ են», նրանք կարող են դառնալ իդեալական զույգ։
