Ի սկզբանե Frozen 3-ը պետք է թողարկվեր 2026 թվականի նոյեմբերի 25-ին, սակայն ամսաթիվը հետաձգվեց։ Միաժամանակ աշխատանքներ են տարվում պատմության շարունակության վրա, որի պրեմիերան նախատեսվում է 2028 թվականին։
«Frozen 3» և «Frozen 4» ֆիլմերի սցենարիստները երկրորդ մասի հեղինակներն են՝ Քրիստեն Անդերսոն-Լոպեսը և Ռոբերտ Լոպեսը, հայտնում է Discussing Film-ը սոցիալական ցանցերում։ Առաջիկա ծրագրերի մանրամասները գաղտնի են պահվում։
Նախկինում երրորդ մուլտֆիլմի ստեղծողները ներկայացրել էին կոնցեպտ արտ։ Հաստատվել է, որ հեռուստադիտողները կտեսնեն արդեն ծանոթ կերպարներին՝ Արենդելի թագուհի Աննային, նրա քույր Էլզային և ձնեմարդ Օլաֆին։ Ենթադրվում է, որ պատմության շարունակության մեջ կհայտնվեն նաև Աննայի սիրելին՝ Քրիստոֆը և նրա եղնիկ Սվենը։
Հիշեցնենք, որ «Frozen»-ն առաջին անգամ թողարկվել է 2013-ի նոյեմբերին՝ վաստակելով 1,28 միլիարդ դոլար: 6 տարի անց թողարկված շարունակությունը նույնպես հաջողված էր։ Նախագիծը վաստակել է 1,45 միլիարդ:
