Չենինգ Թաթումը դաջվածք է արել՝ նվիրված Զոի Կրավիցին

Չենինգ Թաթումին նկատել են ձեռքին նոր դաջվածքով վազելիս: Դերասանի ձեռքի հետևի մասում գրված են եղել ZK տառերը՝ նրա հարսնացու Զոի Կրավիցի անվան սկզբնատառերը, հայտնում է TMZ-ը։

Աղբյուրը դերասանի դաջվածքն անվանել է «սիրո նշան» և բուռն սիրո ցուցիչ։

Հիշենք, որ Չենինգն ու Զոին սկսել են հանդիպել 2021 թվականին։ Անցյալ տարվա հոկտեմբերին դերասանն ամուսնության առաջարկություն է արել սիրելիին։ Զույգը պատրաստվում է հարսանիքին։

Նախկինում Կրավիցը խոստովանել էր, որ մեծ սթրես է ապրում տոնակատարությունը կազմակերպելուց։ Հայտնիի խոսքով՝ պետք է հաշվի առնել բազմաթիվ նրբերանգներ, որպեսզի տոնը լավ ստացվի։