Դամիանո Դավիդը զարմացրել է նոր տեսքով և հայտարարել սոլո կարիերայի մասին

Իտալական Maneskin ռոք խմբի ֆրոնտմեն Դամիանո Դավիդը ապշեցրել է երկրպագուներին Նյու Յորքում 2024 թվականի MTV VMA մրցանակաբաշխությանը իր ելույթի ժամանակ։

Արտիստն իր ճանաչելի ոճը փոխարինել է էլեգանտ կոստյումով՝ թաքցնելով իր դաջվածքը, իսկ տեսքը լրացրել բեղերով և կոկիկ սանրվածքով։

Սակայն ոճային փոփոխությունը միակ բանը չէ, որով արտիստը հիացրել է իր երկրպագուներին։ Դավիդը հայտարարել է սոլո կարիերայի մեկնարկի մասին և սեպտեմբերի 27-ին հայտարարել առաջին թրեքի թողարկման մասին։ Նա նաև վստահեցրել է, որ այս նախագիծը չի ազդի Maneskin-ի գործունեության վրա, և խումբը կշարունակի գոյություն ունենալ ներկայիս կազմով։