Դեմի Լովատոն կիսվել է Jute$-ի հետ իր առաջիկա հարսանիքի մանրամասներով և ցուցադրել մեծ ադամանդով մատանին։ Այս մասին նա խոսել է Ջիմի Ֆելոնի հետ The Tonight Show-ում։
«Բավական ժամանակ է, ինչ պլանավորում էինք հարսանիքը։ Դեկտեմբերին նշանվեցինք ու մոտ մեկ ամիս անց հանդիպեցինք մեր հարսանիքի կազմակերպչի հետ։ Ես ուզում էի ամեն ինչից առաջ ընկնել և շատ էի մտածում դրա մասին, քանի որ չէի ուզում վերջին պահին սթրեսի ենթարկվել», – ասել է նա: Երգչուհին նաև խոստովանել է, որ չի պատրաստվում ելույթ ունենալ սեփական հարսանիքին։
Հիշեցնենք, որ աստղերի սիրավեպի մասին լուրեր հայտնվեցին անցյալ ամառ։ «Դա իսկապես երջանիկ և առողջ հարաբերություններ են: Նա հիանալի տղա է», – ասել է աղբյուրը այն ժամանակ Just Jared-ին: Իրենց առաջիկա հարսանիքի մասին սիրահարները հայտարարել էին անցյալ տարվա դեկտեմբերին։
