80-ամյա կորեացի Չհվե Սուն Հվան «Միսս Տիեզերք» ազգային մրցույթում հասել է մինչև եզրափակիչ փուլ և կարող է ներկայացնել իր երկիրը միջազգային բեմում։ Եթե դա տեղի ունենա, նա կդառնա շոուի ամենատարեց մասնակիցը, հաղորդում է CNN-ը։
Սեպտեմբերի 30-ին Չհվեն 31 այլ հավակնորդների հետ կմրցի եզրափակիչում: Հաղթողը կմասնակցի «Միսս Տիեզերք 2024»-ին Մեքսիկայում: Երկար տարիներ կազմակերպիչները սահմանում էին խիստ տարիքային սահմանափակում՝ 18-ից 28 տարեկան, սակայն 2024 թվականից վերին շեմը հանվել է։
«Ուզում եմ զարմացնել աշխարհին. «Ինչպե՞ս կարող է 80-ամյա կինը այդքան առողջ լինել։ Ինչպե՞ս է նրան հաջողվում նման մարզավիճակում մնալ։ Ինչպիսի՞ն է նրա սննդակարգը»: Տարիքի հետ մենք հակված ենք գիրանալու… Ուստի ես ուզում եմ ցույց տալ, որ մենք կարող ենք առողջ կյանքով ապրել նույնիսկ ծերության ժամանակ»,- կիսվել է Չհվեն:
