31-ամյա երգչուհին բացահայտել է, թե ինչ է պետք անել արտաքինի հետ երիտասարդությունը երկարացնելու համար: Միաժամանակ Արիանա Գրանդեն ցրել է ռինոպլաստիկայի մասին լուրերը։
«7 Rings» հիթի կատարողը պատմել է, թե ինչպես է պահպանում իր գեղեցկությունը՝ օգտագործելով ստի դետեկտորի թեստը։ Vanity Fair-ի համար թեստի ժամանակ նա բացահայտել է, որ երբեք ռինոպլաստիկա կամ կրծքի մեծացում չի արել: Սարքը հաստատել է, որ նա ճշմարտությունն է ասում:
Աստղը նաև մերժել է այն առաջարկությունները, որ նա դեմքի վերափոխման է ենթարկվել: Արիանա Գրանդեի խոսքով՝ ինքը չի արել այժմ նորաձև «աղվեսի աչքերը», ոչ էլ իմպլանտներ է դրել կզակի մեջ։
Այնուամենայնիվ, հայտնին խոստովանել է, որ «տարբեր տեղերում» ֆիլերների և բոտոքսի ներարկումներ է արել, բայց մոտ չորս տարի առաջ դադարեցրել է ներարկումները: «Ահա և վերջ», – եզրափակել է Գրանդեն, նշելով, որ նա «լիովին աջակցում է բոլոր այն մարդկանց, ովքեր անում են այս ամենը»:
Երգչուհին նաև կիսվել է, որ ցանկանում է ընդունել բնական ծերացումը և «արցունքներից ու ժպիտներից առաջացած կնճիռները»։ «Ծերանալը կարող է այդքան գեղեցիկ լինել», – ասել է նա:
