Հոլլի Բեյլին, ով առավել հայտնի է «Փոքրիկ ջրահարս» ֆիլմում Արիելի դերով, և ռեփեր DDG-ն բաժանվել են երեք տարվա հարաբերություններից հետո:
Զույգը բաժանման մասին հայտարարել է որդու՝ Գեյլոյի ծնվելուց 10 ամիս անց։ Instagram-ում հրապարակված պաշտոնական հայտարարության մեջ DDG-ն շնորհակալություն է հայտնել երկրպագուներին աջակցության համար և վստահեցրել, որ չնայած բաժանմանը, նրանց հարաբերությունները մնում են ընկերական, իսկ որդու հանդեպ սերը՝ ամենակարևորը:
«Հարգելի ընկերներ և երկրպագուներ, երկար մտածելուց և սրտանց զրույցներից հետո Հոլլին և ես որոշեցինք բաժանել մեր ճանապարհը: Այս որոշումը մեզ համար հեշտ չէր, բայց մենք հավատում ենք, որ սա լավագույն ճանապարհն է երկուսիս համար: Ես գնահատում եմ մեր ծախսած ժամանակը: Չնայած մեր հարաբերություններում տեղի ունեցող փոփոխություններին, մենք դեռևս լավագույն ընկերներ ենք և պաշտում ենք միմյանց: Յուրաքանչյուրը կենտրոնանալով իր ճանապարհի և որպես ծնող մեր դերերի վրա՝ մենք գնահատում ենք մեր կառուցած կապը և կիսված գեղեցիկ պահերը: Անցնելով այս փուլը՝ մենք խնդրում ենք ձեր ըմբռնումն ու աջակցությունը: Շնորհակալություն ձեր սիրո և աջակցության համար»,- գրել է արտիստը:
24-ամյա Բեյլին և 26-ամյա DDG-ն առաջին անգամ հրապարակայնորեն հաստատել են իրենց հարաբերությունների մասին 2022 թվականի մարտին:
