Լիամ Փեյնի նախկին սիրելին՝ Մայա Հենրին, դատական հայց է ներկայացրել One Direction-ի նախկին անդամի դեմ։ Դա տեղի է ունեցել նրա մահից մի քանի օր առաջ։
Աղջիկը պնդում էր, որ ինքը և իր ընտանիքը պաշտպանված չեն Փեյնի մոլուցքային ուշադրությունից։ Մոդելի փաստաբանները համապատասխան նամակ են ուղարկել դատարան, հայտնում է Daily Mail-ը։
«Անցյալ շաբաթ Մայա Հենրին Լիամ Փեյնին ուղարկել է գործողությունները դադարեցնելու հրաման՝ նոր և անհանգստացնող տեղեկատվության ի հայտ գալուց հետո», – հայտնել է նրա փաստաբանական թիմը: Ինքը՝ Մայան, հայտարարություններ չի անում, սակայն հրապարակման աղբյուրը հայտնել է, որ ցնցված է կատարվածից։
Ավելի վաղ 23-ամյա աղջիկը տեսանյութ էր հրապարակել սոցցանցերում, որտեղ նա ասում էր, որ Փեյնը ծայրահեղությունների է գնացել՝ իրենց դաժան բաժանումից հետո իր հետ կապվելու համար: «Քանի որ մենք բաժանվել ենք, նա ինձ գրում է ոչ միայն իր համարից, այլև տարբեր համարներից, այնպես որ ես երբեք չգիտեմ, թե որտեղից է լինելու զանգը։ Նա գրում է տարբեր աքաունթներից և էլփոստի միջոցով»,- ասել էր Հենրին։
