«Գահերի խաղի» աստղ Փիթեր Դինքլեյջը նույն նախագծում կնկարահանվի Չենինգ Թաթումի և Քիրստեն Դանսթի հետ։ Այս մասին հայտնում է Deadline-ը։
Հայտնի է, որ ֆիլմը կոչվելու է «Roofer»: Սյուժեն պտտվում է Ջերի Մանչեստր անունով գողի իրական պատմության շուրջ, ում մարմնավորելու է Թաթումը։ Մեկ գիշերվա ընթացքում նրան հաջողվել է թալանել արագ սննդի ավելի քան 60 ռեստորաններ։ Դրանց մեջ նա մտել է տանիքից։
Ռեժիսորի աթոռը կզբաղեցնի Դերեկ Սիենֆրանսը, ով առավել հայտնի է իր մեկ այլ՝ «Տեղ արևի տակ» աշխատանքով: Ի դեպ, նա կլինի նաև սցենարի համահեղինակը։ Ինչ վերաբերում է պրեմիերայի ամսաթվին, այն դեռևս չի հաղորդվում։
