Զոի Կրավիցի և Չենինգ Թաթումի նշանադրության լուծարումը ցավալի լուր էր նրանց երկրպագուների համար։ Զույգն այնքան ներդաշնակ էր, որ դժվար էր նույնիսկ կռահել տարաձայնությունների մասին։
Սակայն Զոյին ու Չենինգին շրջապատող մարդիկ ասում են, որ նրանք վաղուց դադարել են միմյանց հասկանալ, գրում է People-ը։ «Նրանք նույն ալիքի վրա չէին և հեռվացել էին միմյանցից»,- մեջբերում է հրատարակությունը իր զրուցակցի խոսքերը։
Բազմաթիվ աղբյուրներ հաստատել են, որ 44-ամյա Թաթումը և 35-ամյա Կրավիցը դադարեցրել են իրենց նշանադրությունը և բաժանվել երեք տարվա հարաբերություններից հետո: Դերասաններն իրենք լռում են այս հարցում:
Զոի Կրավիցը և Չենինգ Թաթումը առաջին անգամ հանդիպել են 2017 թվականին Blink Twice ֆիլմի քասթինգում, որտեղ աղջիկը հանդես է եկել որպես ռեժիսոր։ Հենց նա հավանություն տվեց «Magic Mike» աստղին գլխավոր դերում։ Ֆիլմի վրա աշխատելուց հետո աստղերը ընկերացել են և հաճախ են հայտնվել միասին։ 2021 թվականի աշնանը զույգը դադարեց թաքցնել սիրավեպը։
