Լեոնարդո ԴիԿապրիոն մեծ շուքով է նշել իր 50-ամյակը։ Բայց այն նվերը, որը նա ինքն է արել, իր մասշտաբով պակաս ապշեցուցիչ չէ։
Լեոն ավարտել է Հոլիվուդի բլուրներում գտնվող իր հսկայական բազմաբնակարան համալիրի զանգվածային վերանորոգումը: Լուսանկարներ են հայտնվել Daily Mail-ում։
Օսկարակիր դերասանը կալվածքը գնել է ավելի քան քսան տարի առաջ։ Այդ ժամանակվանից նա վերանորոգել է տունն ու տարածքը և դրանք համապատասխանեցրել իր բնապահպանական չափանիշներին: Նույնիսկ ԴիԿապրիոյի շրջապատից ինսայդերները չեն համարձակվում ասել, թե որքան արժե այս վերակառուցումը, բայց միաձայն վստահեցնում են, որ գումարը առասպելական է։
Լուսանկարները ցույց են տալիս, որ կալվածքում աճում են բազմաթիվ կակտուսներ և երաշտին դիմակայող այլ բույսեր։ Տան տանիքը հագեցած է արևային մարտկոցներով։
Չորս տներից բաղկացած բազմամիլիոնանոց համալիրն ունի ավելի քան հազար քառակուսի մետր տարածք: Կալվածքի գլխավոր տունը կառուցված է բլրի վրա։ Այն ունի հինգ ննջասենյակ, ութ լոգարան, կինոդահլիճ, գինու նկուղ և սպա՝ տաք լոգարանով, լողավազան և սաունա։
