Սթիվեն Սփիլբերգն ու Մարտին Սկորսեզեն որոշել են նոր շունչ հաղորդել դասական թրիլլերին։ Նրանք դարձել են «Cape Fear» ֆիլմի ռիմեյքի գործադիր պրոդյուսերները։
Ֆիլմում գլխավոր դերը կկատարի «Դյուն»-ի աստղ Խավիեր Բարդեմը։ Նա հանդես կգա որպես բացասական կերպար, և դա խոստումնալից է հնչում: Նրա կերպարը՝ Անտոն Չիգուրը «Ծերերն այստեղ տեղ չունեն» թրիլլերից, կինոքննադատների և դատաբժշկական փորձագետների կարծիքով ճանաչվել է ամենաիրական չարագործը:
Ռիմեյքը ներկայացնում է երջանիկ ամուսնացած փաստաբաններ Ամանդա և Սթիվ Բոուդենների պատմությունը, որոնց կյանքը վտանգվում է, երբ հանցագործ Մաքս Քեդին (Բարդեմ) ազատվում է բանտից՝ բռնաբարության համար երկար պատիժ կրելուց հետո: Նա ատելությամբ է լցված իր փաստաբան Սթիվի նկատմամբ. 14 տարի առաջ նա թաքցրել է տեղեկություններ, որոնք, հնարավոր է, կարող էին արդարացնել Մաքսին: Այս ամբողջ ընթացքում նա վրեժխնդրության ծրագիր է մշակել, գրում է Variety-ն։
