Մեգան Ֆոքսն իր հղիությունը գաղտնի չի պահում, այլ հակառակը՝ հպարտանում է իր կարգավիճակով։ 38-ամյա դերասանուհին գնումների է գնացել համարձակ հանդերձանքով։
Դերասանուհին կրել է Camila’s Coelho Maxi-ի բաց երանգի բորդո զգեստ՝ գինու գույնի կաշվե բաճկոնով: Աստղն իր հանդերձանքը համալրել է Tony Bianco-ի սև բարձրակրունկներով, գրում է Page Six-ը։
Մեգան Ֆոքսը և Machine Gun Kelly-ն սկսել են հանդիպել Ռանդալ Էմեթի «Կեսգիշերը դաշտում» ֆիլմի վրա համատեղ աշխատելուց հետո։ Զույգը պատրաստվում էր հարսանիքին, սակայն անցյալ տարի համացանցում սկսեցին խոսել նրանց բաժանման մասին։ Ըստ լուրերի՝ երաժիշտը դավաճանել է դերասանուհուն, սակայն նրանց հաջողվել է պահպանել հարաբերությունները։ Ավելի ուշ սիրահարները նորից բաժանվեցին, իսկ հուլիսին դադարեցին թաքցնել իրենց վերամիավորումը։
