«Շնորհավոր քո նոր տարին»՝ այսպես է կոչվում Մայքլ Քոթանջյանի նոր երգը։ Այն հեղինակային չէ, բայց ինչպես երգիչն է նշում, ամբողջությամբ արտահայտում է իր ներաշխարհն ու հույզերը։ Գրում է BRAVO.am-ը:
«Երկար դադարից և դեպրեսիաներից հետո հասկանալով, որ նորից կյանք վերադառնալու միջոցը երաժշտությունն ու արվեստն է, ցանկություն առաջացավ կատարել մի երգ, որը կնվիրվեր թե՛ մեծերին, և թե՛ փոքրերին»,- նշել է նա:
Քոթանջյանի նոր տեսահոլովակը նկարահանվել է Հանրապետության հրապարակում։ Նկարահանումներին մասնակցել են նաև երկու բլոգեր, որոնք փոխանցում են դրականն ու բարին և հոգ տանում քաղաքի մաքրությանը եւ գեղեցկությանը։
«Շնորհավոր քո նոր տարին» երգի երաժշտության հեղինակները Ռոնալդ Միլերը և Բրայան Ուելսն են: Երգը ստեղծվել է կես դար առաջ եւ առավել հայտնի է Սթիվի Ուանդերի կատարմամբ։ Հայերեն տարբերակի բառերի հեղինակը Ռուբեն Հախվերդյանն է:
