Ռոնալդուի սիրելին ցույց է տվել, թե ինչ է նվիրել ֆուտբոլիստին Սուրբ Ծննդին

Սաուդյան «Ալ-Նասր» ակումբի հարձակվող Կրիշտիանու Ռոնալդուի սիրելին՝ Ջորջինա Ռոդրիգեսը, ֆուտբոլիստին Սուրբ Ծննդյան առթիվ նոր մեքենա է նվիրել։

Ռոնալդուն սոցցանցերում լուսանկար է հրապարակել, որում ինքն ու Ջորջինան նստած են արծաթագույն Rolls-Royce Dawn կաբրիոլետում։ Հատկանշական է, որ երկու տարի առաջ Սուրբ Ծննդյան առթիվ Ռոդրիգեսն արդեն Ռոնալդուին նվիրել էր նմանատիպ մեքենա։

Հիշեցնենք, որ Ջորջինան ու Կրիշտիանուն միասին են ավելի քան ութ տարի, զույգն ունի երկու համատեղ երեխա։ Այս մրցաշրջանում Ռոնալդուն մասնակցել է 19 հանդիպման, որոնցում խփել է 16 գոլ և կատարել երեք արդյունավետ փոխանցում։ Պորտուգալացու գործող պայմանագիրն ակումբի հետ նախատեսված է մինչև 2025 թվականի հունիսի վերջը։