Օրերս հայտնի դարձավ, որ Թոմ Հոլանդն ամուսնության առաջարկություն է արել Զենդեյային, ու թեև աստղերը դեռ պաշտոնապես չեն խոսել նշանադրության մասին, դերասանուհին արդեն հասցրել է կրկին ցուցադրել մատանին, հայտնում է Daily Mail-ը։
Զենդեյան ներկայացել է Challengers-ի հատուկ միջոցառմանը և կրկին կրել նշանադրության մատանին իր մատնեմատին։ Լուսանկարիչներին հաջողվել է մի քանի լուսանկար անել, ինչը թույլ է տվել ավելի մանրամասն ուսումնասիրել դեկորացիան։ Ինչպես գրում է հրատարակությունը, ադամանդներով շրջանակված մատանին արժե մոտ 200 հազար դոլար։
Հիշեցնենք, որ Զենդեյայի և Թոմ Հոլանդի սիրո պատմությունը սկսվել է «Սարդ-մարդ. վերադարձ տուն» ֆիլմի նկարահանման հրապարակում, որտեղ նրանք խաղում էին գլխավոր դերերը։ 2021 թվականի աշնանը Թոմը պաշտոնապես հայտարարեց, որ նրանք իսկապես հանդիպում են։ Անցած տարվա գարնանը տաբլոիդները սկսեցին գրել, որ զույգը լրջորեն մտածում է ամուսնության մասին:
