Հոլիվուդյան ինսայդեր Դենիել Ռիչթմանը հայտնում է, որ Կիլիան Մերֆին կարող է Հարրի Փոթերի սերիալում մարմնավորել պրոֆեսոր Քվիրելին, գրում է ComicBook-ը։
Պրոֆեսոր Քվիրելը փրկված տղայի մասին պատմող առաջին գրքում նրա գլխավոր հակառակորդն է։ Կինոքննադատները վստահ են, որ Մերֆին էլ ավելի մեծ ուշադրություն կհրավիրի HBO-ի վերագործարկմանը:
Անցյալ աշնանը Deadline-ը հայտնել էր, որ ստուդիան սկսել է քասթինգ երեխաների համար: Այնուամենայնիվ, վերագործարկման գլխավոր դերերի պաշտոնական լսումները դեռ չեն հայտարարվել, և, հետևաբար, 100% երաշխիք չկա, որ աստղը կհայտնվի Փոթերի աշխարհի համար այդքան կարևոր դերում:
Ի դեպ, ավելի վաղ համացանցում լուրեր հայտնվեցին, որ Վոլդեմորի դերի համար ընտրվել է «Օփենհայմերի» աստղը, ինչը հիացրել էր երկրպագուներին։ Սակայն այս լուրերը չհաստատվեցին։
