Լիամ Փեյնի հայրը՝ Ջեֆը, հուսահատ փորձեր է արել իր որդուն հոգեբուժական կենտրոն տեղափոխելու համար: Դա տեղի է ունեցել One Direction խմբի մենակատարի մահից կարճ ժամանակ առաջ։
2024 թվականի ապրիլին արտիստը ծանր վիճակում հոսպիտալացվել է, և հայրը փորձել է հնարավորինս պաշտպանել նրան։ Rolling Stone-ի ինսայդերները պնդում են, որ Լիամը տարին սկսել է «փխրուն վիճակում» և անցել է վերականգնողական թերապիա Իսպանիայում, մոտավորապես այն ժամանակ, երբ թողարկել է իր վերջին՝ Teardrops սինգլը:
Այնուամենայնիվ, երգիչը հեռացել է վերականգնողական փուլից մինչև բուժման կուրսի ավարտը, և ընդամենը մի քանի շաբաթ անց նա ռեցիդիվ է ունեցել։ Կատարվողին օգնելու հոր նոր փորձերն անհաջող են անցել։ Փեյնը հրաժարվել է բուժում անցնել։
Լիամի վերաբերյալ մտահոգությունները դուրս են եկել ընտանիքի սահմաններից: Հաղորդվում է, որ նրա թիմը լուրջ կասկածներ է հայտնել երգչի՝ իր ծրագրած հարավամերիկյան շրջագայությունն ավարտելու հնարավորության վերաբերյալ՝ հավատալով, որ նա «լավ վիճակում չէ, որ ճանապարհ ընկնի»: Լիամը բաց է թողել նաև մի քանի կարևոր հարցազրույցներ, ելույթներ և այլ իրադարձություններ:
