Անջելինա Ջոլին, ինչպես պարզվում է, մեղադրում է ոչ միայն իր նախկինին՝ Բրեդ Փիթին, այլև նրա նախկին կնոջը՝ Ջենիֆեր Էնիսթոնին, որ «Մարիա» ֆիլմի թողարկումից հետո «Օսկարի» չի առաջադրվել։ Այս մասին հայտնել է RadarOnline-ի աղբյուրը։
Այս ֆիլմում դերը հատկապես կարևոր էր Ջոլիի համար, ուստի զարմանալի չէ, որ նա զայրացած է ոչ մի անվանակարգ չստանալուց հետո: Նրա համար ուղղակի անհասկանալի է այն փաստը, որ նա նույնիսկ չի առաջադրվել։ Նա հավատում էր, որ այս դերն իրեն կվերադարձնի Հոլիվուդի գագաթին։
Այժմ աստղը վստահ է, որ իր նախկին ամուսինը Ջենիֆեր Էնիսթոնի հետ միասին ամեն ջանք գործադրել է իր առաջադրումը կանխելու համար։ «Արդեն 20 տարի է անցել, ինչ Անջելինան Ջենից գողացել է Բրեդին, բայց Ջենը դեռ չի ներել նրան։ Իսկ արդյունաբերության մեջ չափազանց շատ հզոր մարդիկ կան, որոնք Էնիսթոնի կողքին են: <…> Ջենիֆերը և նրա շոու բիզնեսի դաշնակիցները ոչնչացրել են Ջոլիի հեղինակությունը և, հնարավոր է, նույնիսկ նրա կարիերան»,- ասել է տաբլոիդի ինսայդերը: Բացի այդ, դերասանուհին վստահ է, որ Փիթը Հոլիվուդում կեղծ պատմություններ է տարածում այն մասին, թե ինչպես է նա քանդել իր ամուսնությունը Էնիսթոնի հետ։
