0 տարեկան հասակում մահացել է ամերիկացի դերասան Ռիչարդ Չեմբերլենը: Այս մասին փոխանցում է ՌԻԱ Նովոստին:
«Մահացել է Ռիչարդ Չեմբերլենը, ով հայտնի է դարձել 1960-ականների «Բժիշկ Քիլդար» բժշկական սերիալում: Նա 90 տարեկան է»,- ասված է հայտարարության մեջ։
Ինչպես նշում է հրատարակությունը, դերասանը մահացել է մարտի 29-ի ուշ երեկոյան ինսուլտից հետո առաջացած բարդություններից:
1970-ական թվականին Չեմբերլենը մեծ հռչակ է ձեռք բերում որպես ֆիլմերի գլխավոր դերակատար, ինչպիսիքն են՝ «Երաժշտության սիրահարները» (1970), «Տիկին Քերոլայն Լամբը» (խաղալով լորդ Բայրոնը, 1973), «Երեք հրացանակիրները» (1973), «Կինը այրվելու համար չէ» (ստեղծվել է հեռուստատեսության համար, 1974) և «Կոմս Մոնտե Քրիստո» (1975)։ Մոխրոտիկի երաժշտական տարբերակ «Հողաթափն ու վարդը» (1976) ֆիլմում, որում գլխավոր դերակատարն էր Ջեմմա Քրեյվենը, Չեմբերլենը հանդես է գալիս իր վոկալային ունակություններով, որին հաջորդում է Ուիլյամ Բաստի «Երկաթե դիմակով մարդը» (1977) հեռուստաֆիլմը։ Նույն տարում նա նկարահանվեց Պիտեր Վեիրի «Վերջին ալիքը» ֆիլմում։
2011 թվականի մարտի 12-ին Չեմբերլենը արժանացավ «Շտայգեր» մրցանակի (Գերմանիա)՝ արվեստի ոլորտում գրանցած ձեռքբերումների համար։
