Մեկնարկել են «Վիշապի տան» 3-րդ եթերաշրջանի նկարահանումները

Սկսվել են «Գահերի խաղի» պրիքվելի նկարահանումները։ HBO-ն իր սոցիալական ցանցերում հայտարարել է «Վիշապի տունը» սերիալի երրորդ եթերաշրջանի արտադրություն վերադառնալու մասին։

Հեռուստաընկերության աքաունթում տեսանյութ է հրապարակվել, որում ներկայացված է շոուի գլխավոր հերոսուհի Էմմա Դ’Արսին (Ռեյնիրա Թարգարիեն): Դերասանուհին ասում է. «Շոուն վերադառնում է արտադրության, և մենք երրորդ սեզոնի նկարահանման առաջին օրն ենք»:

Նոր եթերաշրջանը, ինչպես նախորդը, բաղկացած է լինելու ութ դրվագից։ Որպես նկարահանման վայր կրկին ընտրվել է Մեծ Բրիտանիան։ Ավելի վաղ հաղորդվում էր, որ «Պատերազմ և խաղաղության» աստղ Ջեյմս Նորթոնը նույնպես կհայտնվի երրորդ սեզոնում։ Մեթ Սմիթը, Էմմա Դ’Արսին, Օլիվիա Կուկը, Սթիվ Թուսենը, Ռիս Իֆանսը և այլք շարունակությունում կվերադառնան իրենց կերպարներին։ Նախագծի համաշխարհային պրեմիերան նախատեսված է 2026 թվականին։