Քորթնի Քարդաշյանի 10-ամյա որդին՝ Ռեյն Դիսիկը, հրապարակայնորեն արձագանքել է այն լուրերին, թե ինքը կարող է լինել Ջասթին Բիբերի որդին։ Այդ հարցը տղային տվել են սոցիալական ցանցում:
Ռեյնը միացել է Սկուտեր Ջեքսոնին՝ իր խորթ քրոջ՝ Ալաբամա Բարքերի ընկերոջը, ուղիղ հեռարձակմամբ: Այդ պահին օգտատերերից մեկն ակնարկել է, որ Ռեյնի հայրն իրականում 31-ամյա Բիբերն է։
«Ոչ, դա ճիշտ չէ: Եղբայր, ես երդվում եմ, որ Ջասթին Բիբերը իմ հայրը չէ: Սքոթին է իմ հայրը: Ես չգիտեմ, թե քանի տարեկան էր մայրս, բայց կարծում եմ, որ Ջասթին Բիբերը 16 տարեկան էր, երբ ես ծնվեցի: Չեմ կարծում, որ մայրս դա կաներ»:
Ռայն Դիսիկը ծնվել է 2014 թվականին։Այդ ժամանակ Ջասթին Բիբերը 20 տարեկան էր։ 2016-ին բազմաթիվ աղբյուրներ People-ին հաստատեցին, որ այն ժամանակ 22-ամյա Բիբերը հանդիպում էր 36-ամյա Քարդաշյանի հետ: Զույգին միասին նկատել են նույն տարվա մարտի վերջին՝ փոփ աստղի Purpose համաշխարհային շրջագայության ժամանակ:
Հիշեցնենք, որ Քորթնին և Սքոթը սկսել են հանդիպել 2006 թվականին։ 2009 թվականին զույգը բաժանվել է Դիսիկի դավաճանության պատճառով, սակայն սիրահարները նորից միացել են, երբ պարզ է դարձել, որ աղջիկը հղի է։ 2009 թվականի դեկտեմբերի 14-ին ծնվել է նրանց առաջնեկը՝ Մեյսոնը։ Ավելի ուշ՝ 2010 թվականին, Սքոթն առաջարկություն է արել աղջկան, սակայն հեռուստաաստղը մերժել է։ Սիրահարները մնացել են միասին և 2012 թվականի հուլիսի 8-ին ծնվել է նրանց դուստրը՝ Պենելոպան։ 2015 թվականին աստղերը վերջնականապես բաժանվեցին։
