Երաժիշտ Արմեն Շաhվերդյանի և պարուհի Միլենա Ոսկանյանի ընտանիքը համալրվել է: Զույգի երրորդ երեխան լույս աշխարհ է եկել մարտի 31-ին։ Ծնողները նրան Դերեն անունն են տվել։
«Երեք որդիներիս անուններն էլ «Դ»-ով են սկսվում՝ Դանիել, Դենիս, Դերեն»,- BRAVO.am-ի հետ զրույցում նշել է Միլենա Ոսկանյանը։
Ապրիլի 2-ին՝ իր 33-ամյակի օրը, Միլենան նորածին որդու հետ դուրս է գրվել ծննդատնից, իսկ տանը նրանց համար անակնկալներ են պատրաստել ընտանիքի անդամներն ու բարեկամները:
Միլենան խոստովանել է, որ ապագայում դուստր էլ են ցանկանում ունենալ:
