Աղմկահարույց ամուսնալուծությունից մինչև խորհրդավոր մայրություն. Վիտալինա Ցիմբալյուկ-Ռոմանովսկայան կրկին ուշադրության կենտրոնում է։ Արմեն Ջիգարխանյանի նախկին կինը 46 տարեկանում մայրացել է և կտրականապես հրաժարվում է բացահայտել, թե ով է երեխայի հայրը:
ՌԻԱ Նովոստին հիշեցնում է, որ նրանց պատմությունը սկսվել է 1994 թվականին, երբ 16-ամյա Վիտալինան Կիևում ինքնագիր էր խնդրել Ջիգարխանյանից։ Տարիներ անց նրանք նորից են հանդիպում՝ Վիտալինայի երաժշտական տաղանդի և գործընկերների երաշխավորագրերի շնորհիվ։ Շուտով դաշնակահարուհին դառնում է թատրոնի տնօրենը, իսկ 2016 թվականին՝ Ջիգարխանյանի կինը։ Սակայն միությունը երկար չի տևում․ 2017 թվականին սկսված սկանդալն ավարտվում է աղմկահարույց ապահարզանով և ֆինանսական խախտումների մասին հետաքննությամբ։
2020 թվականին Ջիգարխանյանի մահից հետո ժառանգության համար կռիվ սկսվեց։ Նախկին կնոջը ոչինչ բաժին չհասավ՝ կտակը փոխվել էր նրա բացակայության ժամանակ։
Եվ ահա նոր շրջադարձ: 2025 թվականի մարտին Վիտալինան դուստր է ունեցել։ Երեխայի հոր անունը չի բացահայտվում։ Մինչև երեխայի ծնվելը նա թաքցնում էր հղիությունը՝ խուսափելով հրապարակայնությունից։
Երեխայի լույս աշխարհ գալը նոր խոսակցությունների առիթ է դարձել։ Ոմանք հոր դերում մատնանշում են դերասան Դմիտրի Խառատյանին, որն անսպասելիորեն հանդես է եկել ի պաշտպանություն Ռոմանովսկայայի և հայտարարել, որ վերջինս երկարացրել է Ջիգարխանյանի կյանքը։ Մյուսները նշում են «Ի՞նչ, որտե՞ղ, ե՞րբ» խաղի գիտակ Վիկտոր Սիդնևին, որին Վիտալինայի կողքին հաճախ էին տեսնում 2018-2019 թվականներին։ Նշվում է նաև երգիչ Պրոխոր Շալյապինի անունը, սակայն վերջինս հերքում է լուրերը:
Կա նաև ոչ այդքան հետաքրքիր տարբերակ՝ վերարտադրողական տեխնոլոգիաներ։ 46 տարեկան Վիտալինան կարող էր օգտվել արտամարմնային բեղմնավորումից կամ դոնորի նյութից։ Նա չի ժխտում, որ երջանիկ է անձնական կյանքում, բայց գաղտնիություն է պահպանում:
«Իմ անձնական կյանքում ամեն ինչ կարգին է։ Կյանքը պետք է բարգավաճի, ոչ թե կանգ առնի»,-հակիրճ հայտարարում է նա:
Ինչպես երևում է՝ դաշնակահարուհին նորից ապրում է սեփական սցենարով, իսկ հանրությանը մնում է միայն գուշակություններ անել։
