Բրեդ Փիթը թևակոխել է իր կարիերայի և անձնական կյանքում ծաղկման ևս մեկ շրջան։ Նա ներգրավված է մի քանի խոշոր նախագծերում, այդ թվում՝ «Մի անգամ Հոլիվուդում» ֆիլմի սփին-օֆֆում: Բրեդը լրջորեն է վերաբերվում իր հարաբերություններին Ինես Դե Ռամոնի հետ, ով դերասանից 29 տարով փոքր է։ Բայց խնդիրը դրանում է.
61-ամյա դերասանը լրջորեն մտահոգված է 32-ամյա Ինեսի հետ սերը պահպանելու հարցում։ Բրեդը ներկայումս բնակվում է Նոր Զելանդիայում՝ նկարահանումների համար: Ինեսը Լոս Անջելեսում է։ Նրանք հաճախ չեն կարողանում տեսնել միմյանց, իսկ ժամանակի տարբերությունը դժվարացնում է շփումը:
«Բրեդն անում է ամեն ինչ Ինեսին երջանիկ դարձնելու համար: Նա հրավիրում է նրան Նոր Զելանդիա և հատուկ անակնկալներով ու նվերներով ողողում: Նա իսկապես սիրահարված է նրան և ցանկանում է, որ հարաբերությունները հնարավորինս ամուր լինեն», – ասել է Daily Mail-ի ինսայդերներից մեկը:
Զույգը, ով 2022 թվականի նոյեմբերին հանրայնացրել է իր հարաբերությունները, այս տարվա գարնանը կնշի իրենց երրորդ տարեդարձը: Ըստ հրապարակման աղբյուրի՝ այս ընթացքում Բրեդը հացրել է լրջորեն կապվել Ինեսի հետ։ Նրան դուր է գալիս, որ իր սիրելին դերասանական աշխարհից չէ, և նրանք մրցակցություն չունեն։
