«Քիմը փորձել է կապ հաստատել նրա հետ: Բայց Բիանկան ակնհայտ անտեսել է նրան: Կարևոր էր, որ Քիմը տեղեկացներ նրան, որ ինքն իր կողքին կլինի, եթե Բիանկան ինչ որ մեկի հետ խոսելու կարիք ունենա»,- ասել է աստղին մոտ կանգնած աղբյուրը Page Six-ին:
Ինսայդերը նաև նշել է, որ Քիմը համակրում է Բիանկային. «Քիմը զգում է, որ ինքը միակ մարդն է մոլորակի վրա, ով իսկապես գիտի, թե ինչի միջով է անցել Բիանկան»:
Ավելի վաղ հայտնի էր դարձել, որ Բիանկա Ցենսորին լքել է ամուսնուն՝ 47-ամյա Քանյե Ուեսթին։ Այս մասին իր նոր՝ Bianca երգում հայտնել է ինքը՝ ռեփերը։
Տեքստում նա խոստովանել է, որ Ցենսորին հեռացել է X սոցիալական ցանցում իր սկանդալային գրառումների պատճառով։ Դրանցում նա նշել է, որ փորձում է կառավարել և իշխել կնոջը, ինչպես նաև ինքն իրեն նարցիստ է անվանել։ Դեռևս հայտնի չէ՝ Բիանկան դրանից հետո վերադարձե՞լ է ռեփերի մոտ, թե՞ ոչ։
Քանյե Ուեսթը և Բիանկա Ցենսորին ծանոթացել են 2022 թվականին, իսկ մեկ տարի անց ամուսնացել են։ Այդ ժամանակից ի վեր ավստրալացի մոդելը պարբերաբար հայտնվում է հանրության մեջ՝ չափազանց համարձակ հանդերձանքով։ Բիանկայի ընտանիքը անհանգստացած էր նրա համար և կարծում է, որ ռեփերը ճնշում և վերահսկում է կնոջը։ Միևնույն ժամանակ համացանցում սկսեցին ավելի ու ավելի հաճախ նկատել, որ 44-ամյա Քիմ Քարդաշյանը կրկնօրինակում է Բիանկայի ոճը։
Քանյե Ուեսթը և Քիմ Քարդաշյանը ամուսնալուծվել են 2022 թվականին՝ հինգ տարվա ամուսնությունից հետո, բայց դեռևս վիճում են իրենց երեխաների խնամակալության շուրջ։
Նախկին զույգն ունի չորս երեխա՝ 11- ամյա Նորթը, 9-ամյա Սեյնթը, 7-ամյա Չիկագոն և 5 տարեկան Փսալմը: Քիմը հայտարարել է, որ միայնակ է մեծացնում նրանց, իսկ Քանյե Ուեսթը պնդում է, որ նախկին կինն իրեն արգելում է տեսնել համատեղ երեխաներին։
