Համացանցում քննարկում են Ջասթինի և Հեյլի Բիբերի նոր լուսանկարները

Կարծես Ջասթինն ու Հեյլի Բիբերը որոշել են հանգստացնել երաժշտի երկրպագուներին։ Համացանցում հայտնվել են զույգից նոր կադրեր Նյու Յորքում զբոսանքից։

Վերջերս Ջասթինի հոգեբանական վիճակը երկրպագուներին ավելի անկայուն էր թվում. Հեյթերները առիթը բաց չէին թողնում գրելու, որ աստղերի ամուսնությունը փլուզվում է: Զարմանալի չէ, որ նոր լուսանկարներն արդեն անվանվել են պատվերով արված՝ հատուկ համացանցում լարվածության աստիճանը նվազեցնելու համար։ Լուսանկարում Ջասթինն ու Հեյլին իրար ձեռք բռնած գնում են ռեստորան ժամադրության:

Հիշեցնենք, որ անցյալ տարվա սեպտեմբերին Հեյլին և Ջասթին Բիբերը նշել են ամուսնության վեցերորդ տարեդարձը։ 2024 թվականի գարնանը մոդելը սոցցանցերում պաշտոնապես հայտարարեց իր հղիության մասին՝ ֆոտոշարք ներկայացնելով սպիտակ ժանյակավոր զգեստով, որն ընդգծում էր նրա փորը։ Իսկ լուրերից մի քանի ամիս անց հայտնի դարձավ, որ զույգը որդի է ունեցել, ում անվանել են Ջեք Բլյուզ։