Տասնամյակներ շարունակ թագավորական ընտանիքի շուրջ բազմաթիվ սկանդալային լուրեր են պտտվում։ Այս անգամ լրատվամիջոցները կարծում են, որ արքայազն Հարրին, իբր, «գոհ չէ» այն փաստից, որ նրա կինը՝ Մեգան Մարքլը, օգտագործում է իրենց երեխաներին իր ապրանքանիշը գովազդելու համար:
The Sun թերթի թագավորական խմբագիր Մեթ Ուիլկինսոնը պնդում է, որ Սասեքսի դուքսն ու դքսուհին հակասություններ ունեն: Արքայազնը կարծում է, որ կարիք չկա հրապարակել երեխաների՝ հինգամյա արքայազն Արչիի և երեքամյա արքայադուստր Լիլիբեթի լուսանկարները։ Միևնույն ժամանակ Մեգանը նրանց նկարները հրապարակում է սոցիալական ցանցերում՝ իր նոր բիզնեսը գովազդելու համար:
«Ես հասկանում եմ, որ մինչև որոշակի պահ Հարրին կնախընտրեր, որ իր երեխաները չհայտնվեն հանրությանը: Նա չի ցանկանում, որ նրանք լուսանկարվեն: Նա ունի այն գաղափարը, որ եթե նա նրանց տանի Մոնտեսիտոյից դուրս [Կալիֆորնիայի քաղաքը], այնտեղ կլինեն մարդիկ, ովքեր կփորձեն լուսանկարել իր երեխաներին», – ասել է նա A Right Royal Podcast-ում:
Մյուս կողմից, լրագրողը պնդում է. «Մեգանը մեծացել է Կալիֆորնիայում, նա մի անգամ ասել է, որ ուզում է ապրել ավելի կալիֆորնիական կենսակերպով՝ գնալ լողափ, դուրս գալ այլ տեղեր։ Նա չի ուզում թաքցնել նրանց»։
