Իվետա Մուկուչյանն անդրադարձել է սոցցանցային իր էջերում հետեւորդների տարատեսակ մեկնաբանություններին՝ առանձնացնելով տարօրինակ, հետաքրքիր, ինտրիգային մի քանի կարծիք ու հարց: Գրում է BRAVO.am-ը:
«Կորիր գրողի ծոցը»,- առաջինը կարդում է նա ու շատ խորիմաստ հայացքով նայում տեսախցիկին։
Հաջորդ մեկնաբանությունը վերաբերում էր երգչուհու առաջին մասնագիտությանը՝ նա դիզայն է սովորել Գերմանիայում։ Օգտատերը համարում է, որ դերձակ դառնալու դեպքում Մուկուչյանը շատ պահանջված մասնագետ կլիներ Իտալիայի կամ Ֆրանսիայի նորաձեւության տներից մեկում: «Շատ զգացված եմ և շնորհակալ այս գեղեցիկ խոսքերի համար։ Դիզայնը միշտ տեղ ունի իմ կյանքում»,- պատասխանել է նա։
Հետեւորդներից մեկն էլ անդրադարձել է երգչուհու երկարաճիտներին, ավելի ճիշտ՝ կրունկների ձեւին. «Պարզվեց՝ դրանք մեծ աղմուկ են բարձրացրել ամբողջ քաղաքով մեկ, ափսոս, որովհետև իրականում սա ֆեշն է»,- արձագանքել է Մուկուչյանը։
Իսկ կարծիքին, որ «վերջապես շոր տեսան հագին», հումորով պատասխանել է. «Այո, այդպես էլ է լինում»։
Առանց ուշադրության չի մնացել նաև երգչուհու «Սիրում եմ» տեսահոլովակը: Մարդկանց զարմացրել է, թե որքան կազմակերպված են իրար կողքի պառկել դերասաններն ու Մուկուչյանը. «Դա էլ է պետք կարողանալ անել, էներգիան այնքան լավն ու դրական էր, որ բոլորին էլ հարմարավետ էր»։
Մուկուչյանը տեսահոլովակի պրեմիերային նշել էր, որ նկարահանման հրապարակում զույգեր են ձևավորվել, ինչին ի պատասխան եղել է այսպիսի մեկնաբանություն. «50 հոգու պառկեցրել եք իրար վրա, ո՞նց զույգեր չառաջանային»։ Այդ կարծիքը նա ամենաշատն է հավանել ու ընդգծել, թե որքան իրավացի այդ մտքի հեղինակը։
Իր մյուս կատարման՝ «Սեր անի»-ի մասին էլ ասել է՝ «Այն սիրո խոստովանության մի ձեւ է։ Սիրտը կարող է սեր անել մարդու հետ, երկրի, անգամ այս տիրամիսուի», եւ ցույց տվել իր դիմաց դրված աղանդերը։
Նորից «Եվրատեսիլ»-ում հանդես գալու առաջարկի մասին Մուկուչյանը կմտածի հաջորդ տարի, երբ լրանա իր մասնակցության 10 տարին։ Իսկ իր հասցեին հնչած «Եթե թուրքը փող տա, Բաքվում էլ սեր կփնտրես» մեղադրանքին ի պատասխան՝ ցույց է տվել ելույթը Դուբայում «DIAFA» մրցանակաբաշխության ժամանակ, որում մրցանակը նվիրել է զոհված զինծառայողներին և խոսել Ադրբեջանի և Թուրքիայի կողմից հայերի նկատմամբ իրականացվող վայրագությունների մասին։
