Քանյե Ուեսթը վերջին ամիսներին գտել է իր տարօրինակ և երբեմն բացահայտ խուլիգանական վարքագծի գլխավոր մեղավորին։ Նա ուզում է դատի տալ իր սեփական ատամնաբույժին։
Ուեսթը վստահ է, որ տիտանից պատրաստված իմպլանտի տեղադրման ժամանակ բժիշկը դիտավորյալ օգտագործել է անզգայացնողի նորմայից զգալիորեն գերազանցող դեղաչափեր։ Այդպես անելով՝ նա ռեփերի մոտ կախվածություն է առաջացրել, ապա շարունակել է նրան թմրանյութ մատակարարել։
«Մինչ Յեն ձեր բուժման տակ էր, դուք զբաղվել եք անպատշաճ և վտանգավոր գործողություններով, որոնք գերազանցել են բժշկական ստանդարտները։ Այս գործողությունները մեկական դեպքեր չէին, այլ 2024-2025 թվականներին, երբ Յեն ձեր հիվանդն էր։ Ցենսորին ականատես է եղել այս իրադարձություններից շատերին (որոնցից մի քանիսը տեղի են ունեցել նրանց համատեղ տանը)»,- մեջբերում է The Hollywood Reporter-ը բժիշկ Թոմաս Քոնելլիին ուղարկված դատական հայց ներկայացնելու մտադրության մասին պաշտոնական ծանուցումից։
