Երգչուհի Սելին Դիոնը բանակցություններ է վարում Շվեյցարիայի Բազել քաղաքում կայանալիք 69-րդ «Եվրատեսիլ» երգի մրցույթին ելույթ ունենալու համար։ Այս մասին հաղորդում է The Sun-ը։
Երգի մրցույթի գործադիր պրոդյուսերները հաստատել են, որ նրանք քննարկել են նրա մասնակցությունը արտիստի թիմի հետ միասին, սակայն այն դեռևս հարցականի տակ է Սելինի առողջական վիճակի պատճառով։ Նրանք ասել են. «Մենք միայն մի քանի շաբաթից կիմանանք, թե արդյոք նա իրեն բավականաչափ լավ է զգում»։ Ըստ լուրերի, նվագախմբի հետ փորձերը արդեն տեղի են ունեցել Եվրատեսիլի բեմում, որտեղ Դիոնին փոխարինել է լրացուցիչ կատարող։
Վերջին անգամ Դիոնը «Եվրատեսիլի» բեմ է բարձրացել 37 տարի առաջ, երբ նա հաղթել է մրցույթում «Ne partez pas sans moi» երգով 1988 թվականին։ Ենթադրվում է, որ սա այն ստեղծագործությունն է, որը արտիստը կկատարի առաջիկա մրցույթում։
