Հնդկաստանի Թելանգանա նահանգում շարունակում է ընթանալ «Միսս Աշխարհ» հեղինակավոր գեղեցկության մրցույթը, որտեղ Հայաստանը ներկայացնում է 19-ամյա Ադրինե Աճեմյանը: Գրում է Tert.am-ը:
«Միսս Աշխարհ» մրցույթի 108 մասնակիցներ երեկ մասնակցել են բարեգործական միջոցառման, հանդիպելով՝ ավելի քան 200 որբ երեխաների հետ, որոնցից շատերը տեսողության խնդիրներ ունեն կամ ապրում են ՄԻԱՎ-ով։ Բժիշկ Ռամա Կրիշնայի գլխավորությամբ մեկնարկել է 12-ամսյա հովանավորչական ծրագիր՝ այս երեխաներին աջակցելու համար:
«Օր, որը հավերժ կմնա այս երեխաների և «Միսս Աշխարհ» մրցույթի մասնակիցների սրտերում, ովքեր այն կիսեցին նրանց հետ։ Սիրո, կապի և նպատակի պահեր, որոնք երբեք չեն մոռացվի»,- գրառումը հրապարակված է «Միսս Աշխարհ» մրցույթի ինստագրամյան պաշտոնական էջում:
