Բրեդ Փիթը բացահայտել է, թե ով է նրան գրավել առաջին հայացքից՝ և դա Ջենիֆեր Էնիսթոնը կամ Անջելինա Ջոլին չեն։ 61-ամյա դերասանը հյուրընկալվել է «New Heights» փոդքասթին և անսպասելիորեն հազվագյուտ մեկնաբանություն է տվել։
Ջեյսոն և Թրևիս Քելսի եղբայրների հետ զրույցում Փիթը հիշել է, թե ինչպես իր կարիերայի հենց սկզբում հայտնվել է «Թելմա և Լուիզ» պաշտամունքային ֆիլմի նկարահանման հրապարակում և առաջին անգամ հանդիպել Ջինա Դեյվիսին և Սյուզան Սարանդոնին։ «Երբ ես առաջին անգամ տեսա Ջինային և Սյուզանին, պարզապես շունչս կտրվեց։ Ես այնքան հուզված էի, որ միանգամից չկարողացա ուշքի գալ»,- խոստովանել է դերասանը։
Այդ ֆիլմում նա խաղացել է հմայիչ խաբեբա Ջեյ Դիի դերը։ Դա նրա առաջին մեծ դերն էր։ Ջինա Դեյվիսը դարձել է նրա զուգընկերը անկողնային տեսարանում։ Բրեդը չի թաքցնում, թե որքան նյարդային էր այդ ժամանակ. «Ջինան շատ քաղցր, բարի և նրբանկատ էր։ Այդ տեսարանի նկարահանումները տևեցին երկու օր, և նա իսկապես հոգ էր տանում իմ մասին»։
