Թոմ Հոլանդը հայտարարել է, որ «Սարդ մարդ.բոլորովին նոր օր» ֆիլմում Marvel-ը կվերադառնա նկարահանման նախկին ձևաչափին:
Նոր մասում կօգտագործվեն իրական վայրեր, այն բանից հետո, երբ COVID-ը ազդեց նախորդ սուպերհերոսական ֆիլմի նկարահանումների վրա։ Ստեղծողները, նկարահանման հրապարակը և դերասանները խիստ սահմանափակված էին համավարակի պատճառով։ Ֆիլմը, գրաֆիկայի գերհագեցածության պատճառով, չափազանց անիրատեսական էր սիրված ֆրանշիզայի կանոնիկ ոճի համար։
«Ես անչափ ուրախ եմ վերադառնալու համար։ Սարդ մարդ խաղալը նման է հին ընկերոջ հետ հանդիպմանը։ Վերջին ֆիլմում մենք շատ սահմանափակված էինք համավարակի պատճառով։ Մենք ամեն ինչ նկարահանել ենք ձայնային տաղավարներում։ Հիմա մենք վերադառնում ենք դասական կինոարտադրությանը և նկարահանումները կկատարենք իրական վայրերում, այնպես որ մենք սկսում ենք Գլազգոյից», – GamesRadar-ի հետ հարցազրույցում կիսվել է Թոմ Հոլանդը։
Ֆիլմի ռեժիսորը Դեստին Դանիել Քրեթոնն է, որը հայտնի է «Շանգ-Չի և տասը մատանիների լեգենդը» ֆիլմով։ Marvel-ը նաև արդեն հայտարարել է մի քանի հիմնական դերասանների վերադարձի մասին՝ Ջոն Բերնտալը որպես Կարատելի և «Շատ տարօրինակ բաներ» ֆիլմի աստղ Սեդի Սինքը։
