Արքայազն Հարրին հերքել է նոր թագավորական կենսագրության մեջ տեղ գտած պայթյունավտանգ պնդումները: «Յորքյան տան վերելքն ու անկումը» վերնագրով գրքում պնդում են, որ նա և իր հորեղբայրը՝ արքայազն Էնդրյուն, ֆիզիկական բախում են ունեցել, որը, ենթադրաբար, ավարտվել է Յորքի դուքսի քթից արյունահոսությամբ: Սասեքսցիներն արդեն հայտարարել են, որ նման միջադեպ տեղի չի ունեցել։
Գրքի հեղինակ Էնդրյու Լոունիի խոսքով՝ սկանդալային դրվագը, ենթադրաբար, տեղի է ունեցել 2013 թվականին ընտանեկան միջոցառման ժամանակ: Պատճառը Հարրիի մեջքի հետևում Էնդրյուի ասած արտահայտությունն էր: Հեղինակը պնդում է, որ Սասեքսի արքայազնը կորցրել է ինքնատիրապետումը և հրահրել է բախմանը: Գրքում նաև նշվում է, որ Էնդրյուն հետագայում Հարրիի և Մեգանի ամուսնությունը անվանել է կարծանարար և կասկածի տակ է դրել նրա հոգեկան առողջությունը։
Արքայազն Հարրիի խոսնակը նշել է, որ ամբողջ պատմությունը հորինվածք է: Նրա խոսքով՝ ազգականների միջև երբեք կռիվ կամ նման զրույցներ չեն եղել: Բացի այդ, Էնդրյուի կողմից Սասեքսի դքսուհու հասցեին արված բոլոր ենթադրյալ վիրավորանքները նույնպես հերքվել են։
Կենսագրությունն ինքնին, որը մաս-մաս հրապարակվել է Daily Mail-ի կողմից, արդեն իսկ իրարանցում է առաջացրել Մեծ Բրիտանիայում: Այնտեղ արքայազն Էնդրյուն պատկերվում է չափազանց տհաճ լույսի ներքո. նրան անվանում են «սեքսով տարված», և հիշեցնում են պալատում անպատշաճ սովորությունների մասին: Կան նաև մեղադրանքներ, որ նա հետապնդել է տնային աշխատողներին և աշխատակիցներին արցունքների է հասցրել։
