Կանադացի երգիչ The Weeknd-ի After Hours Til Dawn համաշխարհային շրջագայությունը սահմանել է ռեկորդ՝ որպես R&B ժանրում պատմության մեջ ամենաբարձր եկամուտ ունեցող շրջագայություն։ Billboard Boxscore-ի տվյալներով՝ մինչ օրս շրջագայությունը վաստակել է 635.5 միլիոն դոլար՝ վաճառված 5.1 միլիոն տոմսերով, հայտնում է myweekend.ru-ն։
Այս նվաճումը թույլ է տվել The Weeknd-ին գերազանցել նախորդ ռեկորդակիր Բիյոնսեի «Վերածնունդ» համաշխարհային շրջագայությունը, որը 2023 թվականին վաստակել էր 579.8 միլիոն դոլար։
Շրջագայությունը նաև զգալիորեն գերազանցել է Բրունո Մարսի նախորդ ռեկորդը՝ 3.6 միլիոն տոմս 24K Magic World Tour-ի համար։ The Weeknd-ը դարձել է առաջին R&B արտիստը և առաջին սևամորթ արտիստը, որի շրջագայությունը գերազանցել է 600 միլիոն դոլարը և վաճառել 5 միլիոն տոմս։
After Hours Til Dawn շրջագայությունը ընդգրկել է Հյուսիսային Ամերիկան, Եվրոպան, Հարավային Ամերիկան, Ավստրալիան և կավարտվի Սան Անտոնիոյում սեպտեմբերի 3-ին: Վերջին համերգին շրջագայությունը, ինչպես սպասվում է, կհավաքի մոտ 700 միլիոն դոլար՝ վաճառված 5.5 միլիոն տոմսով:
