Միլիարդատեր Բեռնար Առնոն պլանավորում է Փարիզից տեղափոխվել Միլան: LVMH նորաձևության կոնգլոմերատի սեփականատերը և Նատալյա Վոդյանովայի աները 2022 թվականին ձեռք է բերել Միլանի կենտրոնում գտնվող Լեոնարդո դա Վինչիի պատմական առանձնատունը և վերջերս ավարտել է վերանորոգումը, որը գործարարին արժեցել է 1.3 միլիոն եվրո, հաղորդում է Economy-ն։
Իտալիայում քննարկվում է, թե ինչ է պլանավորում անել 76-ամյա ֆրանսիացի Բեռնար Առնոն Միլանի կենտրոնում գտնվող պատմական Casa degli Atellani կալվածքի հետ: Ըստ լուրերի, նա մտադիր է առանձնատունը վերածել իր անձնական (և հնարավոր է՝ հարկային) բնակության վայրի կամ ստեղծել LVMH մշակութային կենտրոն, որտեղ կանցկացվեն մասնավոր երեկույթներ և ցուցադրություններ: Նախկինում քննարկվել է LVMH-ի գլխավոր գրասենյակի (որը ներառում է Louis Vuitton, Christian Dior, Givenchy, Fendi, Celine, Loewe, Sephora և այլ ապրանքանիշեր) Միլան տեղափոխման հնարավորության մասին, սակայն նորաձևության ընկերության ղեկավարությունը հերքել է դա։
Միլիարդատերը դեռ չի բացահայտել իր տեղափոխության ծրագրերը, բայց միայն վերջերս՝ գնումից երեք տարի անց, նա ամբողջությամբ մարել է շքեղ անշարժ գույքի գումարը։ Գործարքի գումարը հայտնի չէ, բայց, ըստ երևույթին, այն նշանակալի էր նույնիսկ մոլորակի ամենահարուստ մարդու համար։
