Փոփի արքա Մայքլ Ջեքսոնի ավագ որդին, 28-ամյա Փրինս Ջեքսոնը, ամուսնության առաջարկ է արել իր ընկերուհի Մոլի Շիրմանգին։ Զույգը, որը միասին է 2017 թվականից, վերջապես որոշել է պաշտոնականացնել իրենց հարաբերությունները։ Փրինսն այս մասին հայտարարել է Instagram սոցիալական ցանցում՝ հրապարակելով հուզիչ գրառում և լուսանկարների շարք։
Նա իր հետևորդների հետ կիսվել է ալբոմով, որտեղ ներառված են լուսանկարներ նրանց ճանապարհորդություններից, կարմիր գորգի վրա համատեղ ելույթներից, ավարտական արարողությունից և նույնիսկ Փրինսի տատիկի՝ Քեթրին Ջեքսոնի հետ լուսանկար։ Գրառման տակ նա գրել է. «Մենք միասին անցկացրել ենք անվերջ ութ տարի։ Մոլլին և ես այնքան շատ ժամանակ ենք անցկացրել միասին և ստեղծել անհավանական հիշողություններ։ Մենք ճանապարհորդել ենք աշխարհով մեկ, ստացել ենք աստիճաններ և միասին շատ բան ենք սովորել։ Ես անհամբեր սպասում եմ մեր կյանքի հաջորդ գլխին, քանի որ մենք շարունակում ենք աճել և ստեղծել հրաշալի հիշողություններ։ Ես սիրում եմ քեզ, փոքրիկ»։
Չնայած այն հանգամանքին, որ զույգը նախընտրում է անձնական կյանքը գաղտնի պահել, նրանց սիրավեպը լավ հայտնի էր ընտանիքում։ Շնորհավորանքները չեն ուշացել. Փրինսի զարմուհի Թերիլ Ջեքսոնը առաջիններից մեկն էր, որ մեկնաբանել է։ Ավելի ուշ Լա Տոյա Ջեքսոնը միացել է շնորհավորանքներին՝ գրառման տակ թողնելով սրտիկ-էմոջի և աջակցության խոսքեր։
