«Հատուկ դասարան» հեռուստասերիալից հայտնի դարձած դերասանուհի Արաքսյա Խաչատրյանն ինստագրամյան իր էջում կիսվել է նիհարելու արդյունքներով:
«Առաջին նկարում ես 95 կգ եմ, երկրորդում՝ 80: Հա ճիշտ եք կարդում թվերը, չգիտեմ՝ ինչպիսին եմ երևում, բայց սրանք թվեր են, որոնք կշեռքին էին։
Արցունքներ, սթրես, հուսահատություն, մի պահ թվում էր անհնար է ազատվել կիլոգրամներից, որոնք եկան ու մնացին հղիության ընթացքում։
Ճանապարհի կեսն անցել եմ, իմ սովորական քաշին հասնելու համար մնացել է -10կգ։ Էլի կկիսվեմ ձեզ հետ, ուղղակի հիմա էնքան էմոցիոնալ եմ։
Ուզում եմ բոլորդ իմանաք, որ կշեռքինը ուղղակի թիվ է, շատ հաճախ կապ չունի մեր տեսքի, գեղեցկության, խարիզմայի հետ։
Էդ թվերը մենակ մեզ են պատկանում ու մենք ենք թողնում, որ դրանք ուտեն մեզ ներսից։ Հա մեկ-մեկ էլ հասարակությունն է պարտադրում աղջիկներին 50ի շեմը չանցնել ոչ մի դեպքում, անգամ եթե քո բնությունը դեմ է դրան»,- գրել է Արաքսյան:
Նշենք, որ օրերս դերասանուհին տենել է ծննդյան 27-ամյակը:
