«Pop Mart» ընկերության ղեկավարը և նորաձև «Labubu» խաղալիքի ստեղծող, 38-ամյա Վան Նինը ընդգրկվել է աշխարհի 100 ամենահարուստ մարդկանց ցանկում։ Նա զբաղեցրել է 85-րդ տեղը «Bloomberg»-ի վարկանիշում։
Այս պահին Վան Նինի կարողությունը գնահատվում է 27,5 միլիարդ դոլար։ Դրանից միայն այս տարի նա վաստակել է 20 միլիարդ։ Ցուցակում նա առաջ է անցել «Lukoil»-ի գլխավոր բաժնետեր Վագիտ Ալեքպերովից և «Sibur»-ի տնօրենների խորհրդի նախագահ Լեոնիդ Միխելսոնից։
Հուլիսի սկզբին Վան Նինը ընդգրկվել է Չինաստանի ամենահարուստ մարդկանց տասնյակում և դարձել երկրի ամենաերիտասարդ միլիարդատերը։ Անցյալ տարի «Pop Mart»-ը իր շահույթն ավելացրել է 188%-ով, իսկ «Monsters» ֆլագմանային շարքը եկամուտն ավելացրել է 726%-ով և դարձել ընկերության եկամտի հիմնական աղբյուրը։
«Pop Mart»-ը Պեկինում հայտնվել է 2010 թվականին։ Սկզբում ընկերությունը վաճառել է ուրիշների ապրանքանիշերը, ապա թողարկել է իր blind box՝ անակնկալ տուփերը։
