Մեծ Բրիտանիայում նախատեսված ժամկետից շատ շուտ բացել են ժամանակի պարկուճը, որը արքայադուստր Դիանան հիվանդ երեխաների հետ դրել էր 1991 թվականին Գրեյթ Օրմոնդ սթրիթում մանկական հիվանդանոցի հիմնադրման առաջին քարի տեղադրման ժամանակ: Այս մասին հայտնում է The Guardian-ը:
Ժամանակի պարկուճը, որը փայտե տուփ էր, պետք է հողի մեջ մնար ևս մի քանի դար, բայց այն ստիպված էին փորել մանկական նոր քաղցկեղի կենտրոնի կառուցման ժամանակ։ Հայտնի է, որ հաղորդագրության շատ հատվածներ վնասվել են, և դրա նպատակն էր ցույց տալ 1990-ականների կենսակերպը։
Դիանայի հետ միասին պարկուճի պարունակությունը ընտրել են «Կապույտ Պիտեր» մանկական ծրագրի հաղթողները՝ Դեյվիդ Ուոթսոնը Փեյնթոնից և Սիլվիա Ֆոլքսը Նորվիչից։ Տղան դրել է Քայլի Մինոուգի «Սիրո ռիթմ» ալբոմով սկավառակ, ինչպես նաև վերամշակված թղթի թերթիկ և անձնագիր։ Ինը տարեկան Սիլվիան ընտրել է բրիտանական մետաղադրամների հավաքածու, ձյան փաթիլի հոլոգրամ և ծառի սերմերի տուփ։
Փայտե արկղի մեջ կային նաև «Times» թերթի օրինակ՝ Միխայիլ Գորբաչովի նկարով, արևային էներգիայով աշխատող հաշվիչ, գրպանի հեռուստացույց և արքայադուստր Դիանայի լուսանկարը։
