Disney-ը պլանավորում է բոլոր տարիքի հեռուստադիտողներին ընկղմել կախարդանքի մթնոլորտ: Ստուդիան հայտարարել է նոր լիամետրաժ անիմացիոն ֆիլմի՝ «Hexed»-ի մասին, որը էկրաններին կհայտնվի 2026 թվականի նոյեմբերին, գրում է Deadline-ը:
Սյուժեն կենտրոնանում է դեռահասի և նրա մոր վրա: Նրանք հանկարծ նկատում են, որ տղայի տարօրինակությունները կարող են կապված լինել կախարդանքի հետ: Նրանց առջևում արկածներ են, որոնք նրանց համար կբացահայտեն կախարդանքի գաղտնի աշխարհը և մեկընդմիշտ կփոխեն նրանց կյանքը:
Մուլտֆիլմի ռեժիսորներն են լինելու Ջոզի Տրինիդադը և Ջեյսոն Հենդը, իսկ լիամետրաժ ֆիլմի պրոդյուսերները դարձել են Ռոյ Քոնլին և Խուան Պաբլո Ռեյես Լանկաստեր-Ջոնսը: Այս մասին հայտարարվել է Destination D23 միջոցառման ժամանակ:
