Տխուր լուր Կանադայից. Գրեհեմ Գրինը, որը համաշխարհային ճանաչում ձեռք բերեց «Գայլերի հետ պարեր» օսկարակիր ֆիլմում իր դերակատարումից հետո, մահացել է 74 տարեկան հասակում: Նա նաև նկարահանվել է «Մթնշաղ» ֆիլմում՝ մարմնավորելով Հարրի Քլիրուոթերին: Variety-ի տվյալներով՝ նա մահացել է Տորոնտոյում երկարատև հիվանդությունից հետո։
Գրինը Հոլիվուդում դարձավ Հյուսիսային Ամերիկայի բնիկ ժողովուրդների իսկական խորհրդանիշ: 1991 թվականին Քևին Քոսթների հետ դրամայում իր դերը նրան բերեց «Օսկար»՝ «Երկրորդ պլանի լավագույն դերասան» անվանակարգում: Ֆիլմն ի վերջո ստացավ յոթ արձանիկ, այդ թվում՝ «Լավագույն ֆիլմ» և «Լավագույն ռեժիսոր» անվանակարգերում։
Հիանալի հաջողությունից հետո Գրեհեմը ակտիվորեն նկարահանվել է Հոլիվուդյան խոշոր նախագծերում՝ «Մավերիկ»-ից և «Die Hard»-ից մինչև «Մթնշաղ» և «Մեծ խաղ»: Նրա ամենահիշարժան դերերից մեկը «Կանաչ մղոն»-ում էր, որտեղ նա մարմնավորեց Արլեն Բիթերբաքին և նկարահանվեց Թոմ Հենքսի կողքին: Գրինը հայտնի էր ոչ միայն կինոյում. նա լայնորեն աշխատել է հեռուստատեսությունում, նկարահանվելով հեռուստասերիալներում, և նրա ձայնը նույնիսկ հնչել է մանկական ալբոմում, որի համար նա 2000 թվականին ստացել է Գրեմմի մրցանակ:
