Քենդալ Ջենները և Ջիջի Հադիդը ընկերներ են ավելի քան մեկ տասնամյակ, և այժմ նրանք միասին զարդարել են Vogue-ի հոկտեմբերյան համարի շապիկը։ Նկարահանման համար ընկերուհիները մեկնել են Վայոմինգ, որտեղ լուսանկարվել են լեռների, ձիերի և անվերջ դաշտերի ֆոնին՝ խոսելով իրենց ընկերության և պոդիումից դուրս կյանքի մասին։
Նկարահանումը վարել է Լաքլան Բեյլին Diamond Cross Ranch-ում։ Մոդելները ներկայացել են Alexander McQueen-ի ռոմանտիկ զգեստներով. Ջիջին ընտրել է անանուխի կանաչ երանգ, իսկ Քենդալը՝ մեղմ մանուշակագույն։ Այլ կերպարներում նրանք փորձել են Louis Vuitton, Rodarte, Marc Jacobs և Miu Miu ապրանքանիշերի հագուստներ։
Սակայն նորաձևությունը միակ բանը չէր, որ կարևոր էր Vogue-ի համար։ Աղջիկները անկեղծորեն խոսել են այն մասին, թե ինչպես է տարիների ընթացքում զարգացել իրենց բարեկամությունը։ «Մենք ավելի շատ քույրերի նման ենք, քան ընկերուհիների», – խոստովանել է Քենդալը։ Ջիջին հավելել է. «Կարծում եմ՝ մեր ընկերության հիմքն այն է, որ մենք հարգում ենք միմյանց որպես մասնագետներ։ Մենք միշտ քրտնաջան աշխատում ենք և երբեք հատուկ վերաբերմունք չենք խնդրում»։
Նրանք հիշել են մոդելային ոլորտում իրենց առաջին քայլերը և այն, թե ինչպես են ամիսներ անցկացրել միասին ցուցադրությունների ժամանակ։ Ջենները խոստովանել է, որ միշտ եղել է Ջիջիի մեծ երկրպագուն, իսկ Հադիդը հիշել, թե ինչպես են նրանք աջակցել միմյանց դժվար աշխատանքային օրերին։
Այսօր նրանց կապն ավելի է ամրապնդվել։ Ջիջին և Քենդալը խոստովանում են, որ սովորել են գնահատել լռության պահերը և պարզ ուրախությունները՝ բնության մեջ զբոսանքներից մինչև մանկության հոբբիների հիշողություններ։ «Ես շատ շնորհակալ եմ այն ամենի համար, ինչ մենք միշտ ունեցել ենք», – ասում է Ջենները։
Երկրպագուները հիացած են հայտնի ընկերների նոր տեսքով, և սոցիալական ցանցերում լուսանկարներն արդեն անվանվել են «պատմության մեջ ամենագեղեցիկ ձիասպորտային Vogue»։ Ինչպես երևում է, «KenGi»-ն վստահորեն շարունակում է մնալ նորաձևության և բարեկամության խորհրդանիշներ մի ամբողջ սերնդի համար։
