Ջ.Ք. Ռոուլինգը կրկին քննադատել է դերասանուհի Էմմա Ուոթսոնին նրանց շարունակական հակամարտության ֆոնին, հաղորդում է The Guardian-ը։
Ուոթսոնի և Ռոուլինգի միջև անհամաձայնությունը տարածվել է համացանցում։ «Հարրի Փոթերի» հեղինակ Ջ.Ք. Ռոուլինգը պատասխանել է Էմմա Ուոթսոնի վերջին մեկնաբանություններին որոշակի մարդկանց իրավունքների վերաբերյալ՝ պնդելով, որ դերասանուհին «չի գիտակցում, թե որքան անգրագետ է»։
Ռոուլինգի գրառումը հաջորդել է Ուոթսոնի հետ փոդքասթ հարցազրույցին։ Այնտեղ Ռոուլինգը գրել է. «Էմմա Ուոթսոնը և նրա գործընկերները իրավունք ունեն հավատարիմ մնալ իրենց սեռական ինքնության գաղափարախոսությանը։ Նման համոզմունքները պաշտպանված են օրենքով, և ես չէի ցանկանա, որ նրանցից որևէ մեկը բախվի աշխատանքի կորստի, բռնության կամ մահվան դրա պատճառով»։
Նա նաև հավելել է. «Այնուամենայնիվ, Էմման և Դեն Ռեդկլիֆը վերջին մի քանի տարիների ընթացքում հասկացրել են, որ կարծում են, որ մեր նախկին մասնագիտական կապը նրանց տալիս է հատուկ իրավունք՝ ոչ, պարտավորություն՝ հրապարակայնորեն քննադատել ինձ և իմ տեսակետները»։
