Հոլիվուդյան դերասանուհի Անջելինա Ջոլին երկար ժամանակ անց առաջին անգամ կիսվել է Բրեդ Փիթի հետ ցավալի բաժանման նոր մանրամասներով:
Լոս Անջելեսի Գերագույն դատարան ներկայացված նոր դատական փաստաթղթերում նա նկարագրել է, թե որքան դժվար է եղել ամուսնալուծությունը իր և իր երեխաների համար, և բացատրել է, թե ինչու է այժմ նախկին ամուսնուց պահանջում 33,000 դոլար՝ դատական ծախսերը հոգալու համար։
Հայցադիմումի համաձայն՝ Ջոլին որոշել է ամուսնալուծվել այն իրադարձություններից հետո, որոնք իսկական ցնցում են առաջացրել ընտանիքում։
«Իրադարձությունները, որոնք ինձ հանգեցրին նախկին ամուսնուցս բաժանվելու որոշմանը, հուզականորեն դժվար էին ինձ և մեր երեխաների համար», – հայտնել է աստղը, որը նախկինում Փիթին մեղադրել էր բռնության մեջ, հաղորդում է Page Six-ը։
Ամուսնալուծությունից հետո դերասանուհին վստահեցնում է, որ փորձել է խուսափել կոնֆլիկտներից և նույնիսկ Փիթին լիակատար վերահսկողություն է թողել իրենց համատեղ տների վրա՝ Լոս Անջելեսում և ֆրանսիական Château Miraval կալվածքում:
Նրա խոսքով՝ դա արվել է հատուկ, որպեսզի օգնեն նախկին ամուսնուն ավելի հեշտ հաղթահարել «բարդ եւ տրավմատիկ շրջանը»։
«Երբ ես ամուսնալուծության հայց ներկայացրեցի, նրան թողեցի մեր ընտանեկան տները՝ առանց որևէ փոխհատուցման։ Ես հույս ունեի, որ դա կօգնի հանգստացնել նրան ծանր եւ տրավմատիկ շրջանից հետո»,-նշել է Ջոլին։
Ջոլին ընդգծել է, որ ամուսնալուծությունից հետո ոչ ինքը, ոչ երեխաները չեն այցելել այնտեղ։ Ջոլին խոստովանել է, որ բաժանումից հետո ստիպված է եղել նոր բնակարան փնտրել և նույնիսկ որոշ ժամանակով տուն վարձակալել, քանի որ բավարար գումար չի ունեցել սեփականը գնելու համար։
Նա պարզաբանել է, որ բոլոր խնայողությունները ներդրել է կալվածքում, սակայն ամուսնալուծությունից հետո չի դիմել Բրեդ Փիթին ալիմենտի կամ ֆինանսական աջակցության համար:
«Իմ խնայողությունները ներդրվել են կալվածքում, և ես Բրեդից ոչ ալիմենտ կամ ֆինանսական օգնություն չեմ խնդրել, ուստի ստիպված եմ եղել օգտվել իմ բաժնեմասի վաճառքից ստացված միջոցներից»,-բացատրել Է դերասանուհին:
Նա նաև պատմել է, որ երկու տարի հրաժարվել է աշխատանքից, որպեսզի կենտրոնանա երեխաների խնամքի և նրանց հուզական վիճակի վրա ։ Նրա խոսքով ՝ ֆինանսական դժվարություններն այնքան լուրջ են եղել, որ ստիպված է եղել Փիթից տոկոսներով գումար վերցնել ՝ բնակարան ձեռք բերելու համար: Այժմ Ջոլին խնդրում է դատարանին պարտավորեցնել Փիթին փոխհատուցել 33 հազար դոլարի ծախսերը փաստաբանների համար, որոնք նա կրել է Château Miraval-ի գործով իր միջնորդությանը պատասխանելիս:
